ОРГАНИЗАЦИЯ КОНЦЕРТОВ И ВЫСТУПЛЕНИЙ: +7 701 949 1936

ОРГАНИЗАЦИЯ КОНЦЕРТОВ И ВЫСТУПЛЕНИЙ: +7 701 949 1936

«Дәрвишләр» Астанада

«Уйғур авази» гезити 3 август , 2017 жил

Йолдаш МОЛОТОВ, «Уйғур авази»/ Астанада өтүватқан «ЭКСПО – 2017» Хәлиқара көргәзмисиниң мәдәний чарә-тәдбирлири даирисидә 29-июль күни «Дәрвишләр» топиниң «Музыка моя» намлиқ йәккә концерти өтти. Астана шәһәрлик һакимийити тәрипидин уюштурулған мәзкүр концерт тамашибинларға хуш кәйпият һәдийә қилди. – Мәзкүр концертни уюштурушниң тәшәббускари Астана шәһириниң һакими Әсет Исекешев болди, – дәйду «Дәрвишләр» топиниң әзаси Райим Һәмраев. – Мәлум болушичә, Әсет Өрентай оғли «Дәрвишләр» топиниң мухлиси екән. Тәкитләш керәкки, бизниң концерт өткән күни Астанада нурғун чарә-тәдбирләр, йәни «Comedy club», «КВН», Адриано Челентано, Мурат Бисенғалиевниң концертлири өтти. Шуңлашқа дәсләп бизгә «Концертимизға адәм келәмду?» дегән әндишиниң болғанлиғиниму йошурмаймиз. Бирақ тамашибинларниң залға толғанлиғини көргәндә, бу әндишиниң бекар екәнлигини чүшәндуқ. Хошал боларлиқ йери, астаналиқ мухлислиримиз бизни наһайити яхши қарши алди.

Концерт давамида «Дәрвишләр» өз репертуаридики уйғур,  қазақ вә рус тиллиридики нахшилирини орунлап, шәриқ музыкисини баһалайдиған һәм униң қәдир-қиммитигә йетидиған сәнъәтсөйәр аммиға арамбәхш дәмлири һәдийә қилди. Шундақла «Рухсарә», «Таҗиниса», «Наргиз» уссул ансамбльлири вә нахшичилар Раш Тохтахунов, Адилҗан Өмәров, Фируза Җалалова, Бахара концертниң техиму җанлиқ өтүшигә үлүш қошти. Әнди концертқа  меһман сүпитидә тәклип қилинған атақлиқ нахшичи Нурлан Абдуллин «Дәрвишләр» топиниң хитқа айланған «Тойнамә» нахшисини орунлап, һәммини һәйран қалдурди. Лала Богомолова шәриқ уссулини орунлиғанда, тамашибинлар орунлирида олтиралмай, униңға қошулуп, уссулға чүшти.

Умумән, «Дәрвишләр» топиниң пайтәхтимиздики дәсләпки йәккә концертини наһайити утуқлуқ өтти дейишкә асас бар.

http://uyguravazi.kazgazeta.kz/?p=30777

 

 

Добавить комментарий


Защитный код
Обновить

fashion journal