Ырғақты әуен, әдемі дауыс, өзекті тақырып. Осының бәрі әнге арқау болса, оны үздік деп тануға болатыны анық. Ал біздің әртістер бұл номинацияда қалай жеңіске жетуге болатынын біледі ме екен?
«Дервиши» тобының «Тюбетейка» әнінің идеясы Дильмурат Бахаровқа көлікті айдап келе жатқан сәтте келген. Мұндай ән бұрын соңды топтың репертуарында болмаған еді. Дильмурат Бахаровтың айтуы бойынша, әрбір әнге музыкалық ұжым үлкен жауапкершілікпен қарайды.
«Ән жазбас бұрын, ол не туралы болуы қажет, халыққа нені жеткізгіміз келеді, — деп біраз ойланамыз. Тек содан кейін барып әннің сөзін, әуенін жазуға кірісеміз», — дейді топтың продюсері әрі солисті Дильмурат Бахаров.
«Тамақ дайындағанда әр адам ең үздік, сапалы өнімдерді пайдаланады. Ән жазғанда да солай. Әннің мәтіні, әуені, аранжировкасы – өте маңызды, осының әрқайсысына зор мән береміз. Ал ең бастысы — мұның бәрі жүректен шығуы керек, бар жаныңды салуға тиіссің. Үздік ән номинациясына үміткер болып отырғанымызға қуаныштымын. Егер әнді әрбір үйде, әрбір отбасында тыңдап жатса, ол тыңдармандардың жүрегіне жетіп, орын алғанының белгісі. Жүректен шыққан ән, халықтың жүрегіне жетеді деген сөз бекер айтылмаған», — дейді композитор Дильмурат Бахаров.
Ал «Үздік ән» номинациясындағы басқа үміткерлерге келетін болсақ, онда осы ретте де Дильмурат Бахаров өз фавориттерін атап өтті. «Маған ұнайтын әндердің ішінде Мақпал Исабекованың «Хабарласпа», Жанар Дугалованың «Айта берсін» және «The Jigits» тобының «В эту ночь» әні бар», — деді ол.http://muzzone.tv/ru/view/ema_news/page_11565_yzdik-an-nominatsiyasyna-kim-laiyk
Напоминаем, дорогие друзья, группа Дервиши номинирована в номинации «Лучшая песня» с песней «Тюбетейка». Проголосовать за группу можно по ссылке http://muzzone.tv/ru/ema . Голосовать можно каждые два часа.
Дервиши в iTunes
