Әл сөйгән «ДӘРВИШЛӘР»

(«ДӘРВИШЛӘР»  топиға  — 15 жил)

Дервиши 2014 год

Қазақстан өз мутәқиллигини елип, наһайити ихтисадий еғирчилиқни тартиватқан бир пәйтләрдә, сәнъәтхумар хәлқимизгә өзиниң йеқимлиқ нахша –сазлири билән дилларға йоруқлуқ бәргән XXI әсиргә уйғур миллий эстрада сәнъитини дуния миқиясиға йәнә бир қетим көтирип елип киргән, әл сөйгән вә әлни сөйгән,  Қазақстан диярида яшаватқан йүздин ошуқ милләтниң сөйүмлүк топиға айланған, «ЯШЛИҚ», «ДОСМУҚАСАН» вә «ЯЛЛА»ниң  қериндиши болған «ДӘРВИШЛӘР» топидур. Бу топ һәққидә дөлитимизниң һәр хил миллий телеканаллирида, вә нурғунлиған мәтбуат сәһипилиридә ейтиливатсиму, йәнила уларға мәдһийә, уларниң ижадийитидийитигә болған тәшналиқ күн санап өсмәктә.

 

Шундақ дөләт миқиясида өтүлидиған һәр хил мәрикилик тәнтәниләр, телеканаллиридики һәр хил шоу программилар уларсиз өтмәйду десәк ашуруп ейтқанлиқ әмәстур.  Мундақ һөрмәткә сазавәр болушидики сир немидә? Алаһидилиги немидә? – дегәнгә охшаш соаллар туғулиши тәбиий.  Бу һәқтә улардин сориғандин көрә  қайсиду бир шаир ейтқинидәк «мениң жүрәк сөзүмни, отлуқ мисралиримдин издә» дегинидәк уларниң әмгәклирини ижадий паалийитини зиярәт қилип көрәйлуқ.

 

Дервиши 1999 год

«Дәрвишләр» топи һәммимизгә яхши мәлум буниңдин 15 жил бурун ,йәни, 1999-жили июль ейида Алмута шәһиридә қурулған.  Һели ядимизда «Азия Дауысы» фестивалида «Яркәнт бағлири» намлиқ уйғур хәлиқ нахшиси билән чиққанда, қазақстанлиқ уйғурларниңла әмәс бәлки дуния уйғурлирини хошаллиққа бөлигән еди.  Шундақ, әзәлдинла өз тамашибинлирини хошал қилип келиватқан мәзкүр топ аридин он бәш жил өтсиму  бу хислитини йоқатқини йоқ.  Муһәббәтни күйлимигән, муһәббәтни мәдһийлимигән сәнъәткар йоқ болса керәк. Муһәббәт нахшилири һәққидә гәп қилғанда бирдин уларниң та мошу күнгичә хәлқимизниң тойлирида яңрап келиватқан шох вә йеқимлиқ  «Тойнамә» нахшисини биринчиләрдин тилға алимиз. Бу нахша пәқәт Қазақстандила әмәс бәлки чәт әлдә яшаватқан, жүмлидин Қирғизстан, Өзбәкстан вә Шинжаң Уйғур Автоном Районидики қериндашлиримизниңму қәлби төридин орун елип кәлмәктә. Шуниң билән бир қатарда «Көйдүм ярим», «Сөйгүнамә» «Дильбариджон», «Зебо», «Хумарим», «Һәр ахшам»   вә башқиму улар репертуаридики нахшилар  вә башқиму улар репертуаридики нахшилар өз дәвриниң  гөзәл хитлиридин болалиди.

Дервиши 2002 год

«Дәрвишләр» топи репертуаридики нахшиларниң йәнә бир алаһидилиги  — у нахша мавзулириниң хилму-хиллиғи. Мәсилән; «Ата», «Анамдин мирас», «Вәтиним», «Нәсирдин Әпәнди» вә башқилар. Көрүп туруватимизкин, Ата-Ана, Вәтән, Ана жут,  Муһәббәт, охшаш мавзулар «Дәрвишләр» топиниң асасий мавзулири болди вә уни музыка асминида әркин пәрваз қилалиди.

Дервиши 2003 год

Көп қирлиқ вә бир сирлиқ болуп келиватқан «Дәрвишләр» топидики нахшиларниң көпчиликкә сөйүмлүк болушидики йәнә бир сәвәп, һәр хил тилларда лекин миллий аһаңда болуши. Мәсилән; «Говори о любви», «Той», «Айнала», «Ты поверь» вә башқилар.  Мәсилән, «Говори о любви» нахшиси кейинки жилларда утуқлуқ чиққан хитларниң бири. Һәммимизгә яхши мәлум 10-жиллиқ тәвәллудиға беғишланған концертиму нәқ мошу нам билән аталди. Әнди бу нахшиниң уйғурчә нусхиси «Һәр ахшам» нахшиси уйғур тамашибинлириниңму сөйүмлүк нахшиси болди. Демәк тил вә миллий аһаңни бириктүрүп икки түрлүк тамашибинниң көңлидин чиқалиди. Бу һәр бир талант егисиниң қолидин келиверидиған иш әмәс. Бу әлвәттә  мәзкүр топниң тинимсиз әмгигиниң көрүнүши.

Дервиши 2006 год

«Дәрвишләр» топи миллий хәлиқ нахшилиримизни вә миллий қәдрийәтлиримизни дайим қәдирләп кәлгән. Шуни бирдин ейтишқа болудекин, нәқ мошу миллий хәлиқ нахшимиз уларға биринчи утуқни елип кәлгән. Сөзүмгә испат болуши үчүн мону мисални ейтип берәй; Хаталашмисам 1999-жили «Азия Дауысы» — Хәлиқаралиқ фестивалида «әң яхши аранжировка» номинацияси бойичә «Яркәнт бағлири» хәлиқ нахшиси  билән Баш мукапатни утувалған.  Шундақ утуқлуқ чиққан йәнә бир хәлиқ нахшиси «Гүлайим» нахшисини яхши көрмәйдиған уйғур болмиса керәк.

Биз уйғур хәлқидә миллий һиссиятимизни ойғитидиған муңлуқ нахшимиз көп, лекин шох нахшилиримиз йетәрлик әмәс.  Мана мошу бошлуқни толтуруш мәхсәттә «Дәрвишләр» топи «Жаһаним» нахшисини вужутқа кәлтүрди.

Дервиши 2009 год

Шунчә көп утуққа еришиш үчүн, шунчилик көп алаһидилик болуши керәк.   Шундақ алаһидиликлирини  уларниң видеоклиплиридинму байқашқа болиду. Қайсила клиплирини байқимайли, уларда қаттиқ бир тоқунуш, пажиә, айрилиш кәби эпизодлар байқалмайду.  Буларниң һәммиси шуниңдин дәрәк беридуки, уларниң оптимист екәнлигидин.  Мәсилән; «Саламалейкум», «Һәр ахшам», «Дали далеко», «Молчаливая любовь» вә башқилар шулар жүмлисидиндур.

Пат йеқинда «Дәрвишләр» топи өзлиридин йәнә бир қиридин көрсәтти. Чүнки улар өзлирини джаз жанрида маһаритини синап көрди. Нәтижидә «Oriental Express» намлиқ  9 нахшидин тәркип тапқан йеңи альбоми йоруқ көрди. Бирдин шу ейтиш керәкки бу ялғуз «Дәрвишләр» топиниң әмгиги болмай  бәлки әжайип талант егилири  Виктор Хоменков, Валерий Насибуллин вә «ДИЯР» топиниң солисти Рустәм Ниязовниңму мол әмгиги бар.  Демәк шундақ хуласә ейтишқа болудекин , джаз жанриму уйғурлар үчүн ят әмәс екәнлигини дәлиллиди.  Бу болсиму Ғәрип әллиригә уйғур музыкисини йеқиндин билишкә ташланған йәнә бир чоң көрүк болалайдиғиниға  ишнәч билдүримиз.

Дервиши 2012 год

Дервиши 2013 год

Шундақ, әзиз вә қәдир тамашибинниң көңүллүк кәйпияти үчүн тинмай әмгәк ейтип келиватқан «Дәрвишләр» топиға бийил  15-жил толди. Қазақстан уйғур эстрада сәнъитиниң карван беши болуп келиватқан «Дәрвишләр» топи бүгүнму ижадий издиниш үстидә. Демәк, йәнә чоң алаһидиликлирини тамашә қилиш техи алдимизда.  Шундақ йеңилиқлирини вә алаһидиликлирини несип болса 15-жиллиқ тәвәллудлуқ концертида  тамашә қилимиз дегән үмүттә. Һазирчә уларға пәқәт утуқ вә амәт, ижадий мувапәқийәт яр болсун демәкчимиз.

 

Молутжан ТОХТАХУНОВ

Оставить комментарий

Официальный сайт группы Дервиши. Все права защищены 2012-2019.